रावेर : प्रतिनिधी
एका २० वर्षीय विवाहितेला फोन करून भेटायची धमकी देत विवाहीतेसोबत चुकीचे कृत्य करण्यासाठी एक दिवस दे असे म्हणत विवाहितेचा विनयभंग केल्याप्रकरणी एका विरोधात निंभोरा पोलिसात गुन्हा दाखल करण्यात आला आहे.
मिळालेल्या माहितीनुसार, रावेर तालुक्यातील एका गावातील रहिवासी असलेल्या २० वर्षीय विवाहिता सासरी संसार करीत असतांना जून २०२१ पासून ते ५ मे २०२३ पर्यत एका तरुणाने एकतर्फी प्रेमातून तरुणीला फोन करून तुझे सर्व फोटो व व्हिडीओ तुझ्या नवऱ्याला पाठवेल अशी धमकी देत तुला मला एकदा भेटायचे आहे. अन्यथा मी तुझा संसार उधवस्त करेल अशी धमकी दिल्या प्रकरणी एका विरोधात निंभोरा पोलिसात विनयभंग केल्या प्रकरणी गुन्हा दाखल करण्यात आला आहे. पुढील तपास पोहेकॉ.अबास तडवी हे करीत आहेत.
