जळगाव : प्रतिनिधी
असोदा रेल्वे गेटजवळ धावत्या रेल्वेतून पडून अनोळखी तरुण गंभीर जखमी झाल्याची घटना बुधवारी सायंकाळी साडेपाच वाजेच्या सुमारास घडली आहे. रेल्वे कर्मचारी व नागरिकांच्या मदतीने जखमी तरुणाला जिल्हा रुग्णालयात दाखल करण्यात आले आहे.
जळगावकडून भुसावळकडे जाणाऱ्या धावत्या रेल्वेतून अनोळखी तरुण खाली पडला. यात त्यांच्या हाताला गंभीर दुखापत होऊन तो बेशुद्ध झाला. ही घटना रेल्वे कर्मचारी सुभाष सपकाळे आणि विकास कुमार यांच्या लक्षात आली. त्यांनी आसोदा गावातील गिरीश प्रदीप चिरमाडे आणि निखिल भानुदास चिरमाडे यांच्या मदतीने खासगी वाहनातून जखमीला जिल्हा रुग्णालयात उपचारार्थ दाखल केले.
