जळगाव : प्रतिनिधी
जिल्हा पोलीस विभागात विविध प्रकारच्या प्रवर्गामध्ये केलेल्या उत्तम कामगिरीबद्दल/ प्रसंसानीय सेवे बद्दल राष्ट्रपतींचे पोलीस पदक/ शौर्य पदक/ पोलीस अधिकारी व अंमलदार यांना पोलीस महासंचालकांचे बोधचिन्ह/सन्मानचिन्ह व प्रशस्थीपत्र सन-२०२२ वर्षाकरिता राज्याचे पोलीस महासंचालक रजनीश सेठ यांनी जाहीर केले व बोधचिन्ह/सन्मानचिन्ह व प्रशस्थीपत्र प्राप्त प्रदान झालेल्या अधिकारी व अंमलदार यांचे अभिनंदन करून शुभेच्छा दिल्या.
जिल्हा पोलीस अधीक्षक एम राजकुमार, अपर पोलीस अधीक्षक चंद्रकांत गवळी, अपर पोलीस अधीक्षक रमेश चोपडे यांनीही पोलीस महासंचालकांचे बोधचिन्ह/सन्मानचिन्ह व प्रशस्थीपत्र प्राप्त प्रदान झालेल्या अधिकारी व अंमलदार यांचे अभिनंदन करून शुभेच्छा दिल्या. सन्मानचिन्ह जाहीर झालेल्यांमध्ये सहाय्यक उपनिरीक्षक संजय हरीदास पवार, सहाय्यक उपनिरीक्षक नरेंद्र हिरालाल कुमावत, जळगावचे चालक विनयकुमार भीमराव देसले, हवालदार सचिन सुभाष विसपुते, हवालदार सुनील अर्जुन माळी, हवालदार मनोज काशीनाथ जोशी, हवालदार राजेश प्रभाकर चौधरी, हवालदार सुनील माधव शिरसाठ, रवींद्र धोंडू घुगे, सचिन सुभाष विसपुते, तसेच नाईक विजय अशोक दुसाने, अल्ताफ सत्तार मन्सुरी, नाईक अमोल भरत विसपुते यांचा नावाचा समावेश आहे.
