धरणगाव : प्रतिनिधी
तालुक्यात एकाच रात्री आठ बंद घरांत चोरट्यांनी चोरी केली आहे हि घटना तालुक्यातील पिंप्री खुर्द गावात उघडकीस आली आहे. यात काही ठिकाणी रोख रक्कम लंपास केली, तर काही ठिकाणी नासधूस केली आहे. ही घटना २६ रोजी पहाटे ३ वाजेच्या दरम्यान घडली आहे.
अभय धनगर यांच्या कपाटातील बचत गटाच्या हप्त्याचे ठेवलेले १६ हजार रुपयेही लंपास झाले. त्यानंतर डॉ. पंकज मराठे यांच्या दवाखान्यात नासधूस करण्यात आली आहे. कल्याणसिंग पाटील यांच्या घरातील पर्समधील २० हजार रुपये लंपास केले. अयोध्यानगरच्या आश्रमशाळेतील रामेश्वर आंधळे यांच्या घरात नासधूस करण्यात आली. आंधळे यांच्या घरात दुसऱ्यांदा घरफोडी करण्यात आली आहे. अनिल मनोरे यांच्या घराचासुद्धा कडी कोयंडा तोडण्यात आला आहे.
