जळगाव : प्रतिनिधी
शहरातील एका परिसरातील अल्पवयीन मुलीस अनोळखी इसमाने पळवून नेल्या प्रकरणी एमआयडीसी पोलिसात गुन्हा दाखल करण्यात आला आहे.
मिळालेल्या माहितीनुसार, शहरातील सिंधी कॉलनी परिसरात आपल्या परिवारासह वास्तव्यास असलेल्या १५ वर्षीय अल्पवयीन मुलगी दि २३ रोजी दुपारच्या सुमारास घरी असतांना अनोळखी इसमाने तिच्या घरी येवून काही तरी फूस लावीत तिला पळवून नेल्याची धक्कादायक घटना उघडकीस आल्यानंतर अल्पवयीन मुलीच्या वडिलांनी थेट एमआयडीसी पोलिसात धाव घेत अनोळखी इसमाविरोधात गुन्हा दाखल केला आहे. पुढील तपास सपोनी.रामकृष्ण मोताळे हे करीत आहेत.
