जळगाव : प्रतिनिधी
शहरातील गोपाळपुरा भागातील श्रीकृष्णनगरामध्ये जुन्या भांडणाच्या कारणावरून महेंद्र ऊर्फ लहान्या अशोक महाजन (३१, रा. तळेले कॉलनी) यांना एका तरुणासह चार महिलांनी लाकडी बॅट आणि लोखंडी वस्तूने बेदम मारहाण करून जखमी केल्याची घटना गुरुवारी दुपारी १२ वाजता घडली. याप्रकरणी शुक्रवारी शनिपेठ पोलिसांत गुन्हा दाखल आहे.
पोलिसांनी दिलेल्या माहितीनुसार, शहरातील जुना खेडी रोड परिसरात असलेल्या तळेले कॉलनीतील रहिवासी महेंद्र महाजन हे गुरुवारी दुपारी २ वाजेच्या सुमारास त्यांच्या डोक्यासह हाता-पायावर पाच जणांनी जुन्या भांडणाच्या कारणावरून लाकडी बॅट आणि लोखंडी वस्तूने मारहाण केली. त्यानंतर जिवे ठार मारण्याची धमकी दिली. या मारहाणीमध्ये महाजन हे जखमी झाले असून, शुक्रवारी त्यांनी शनिपेठ पोलिसात तक्रार दिली.
