अमळनेर : प्रतिनिधी
शहरातील एका परिसरात ३८ वर्षीय तरुण आई वडिलांना भेटण्यासाठी गेल्याची संधी मिळवत अनोळखी चोरट्यांनी घराचे कुलूप तोडून घरातून ३० हजारांचा मुद्देमाल लंपास केल्या प्रकरणी अमळनेर पोलिसात अनोळखी चोरट्या विरोधात गुन्हा दाखल करण्यात आला आहे.
सविस्तर वृत्त असे कि, शहरातील आल्हाद नगरातील प्लॉट न.४१ मध्ये विठ्ठल बारकू पाटील(वय ३८) हे वास्तव्यास आहे. ते दि १८ एप्रिल रोजी सकाळी ६ वाजेच्या सुमारास आपल्या घराला कुलूप लावून अंजदे येथे आपल्या आईवडिलाकडे मुक्कामी गेले असता त्यांना दि २१ रोजी शेजारी असलेल्या एका व्यक्तीचा फोन आला व त्यांना घराचे कुलूप तोडलेले असून दरवाजा उघडा असल्याची माहिती मिळाली असतांना त्यांनी घरी येवून पाहणी केली असता त्यांच्या घरातील ३० हजाराचा मुद्देमाल लंपास होत घरातील सामान अस्ताव्यस्त फेकलेले दिसून आल्यानंतर त्यांनी लागलीच अमळनेर पोलिसात धाव घेत अनोळखी चोरट्या विरोधात गुन्हा दाखल केला आहे. पुढील तपास सफौ.बापू साळुखे हे करीत आहेत.
