पारोळा : प्रतिनिधी
शहरातील एका परिसरात राहणाऱ्या डॉक्टराची तब्बल ८३ हजारात फसवणूक झाल्याची घटना दि १३ फेब्रुवारी रोजी उघडकीस आली आहे. या प्रकरणी पारोळा पोलिसात गुन्हा दाखल करण्यात आला आहे.
मिळालेली माहिती अशी कि, शहरातील गुजराथी गल्लीतील रहिवासी असलेले डॉ.राहुल सुरेश जैन यांनी दि ८ फेब्रुवारी रोजी सायंकाळी ५ ते दि ९ फेब्रुवारी च्या सायंकाळी ६ वाजेच्या सुमारास मोबाईलवर ओंनलाईन ऑर्डर केली असता त्यांचा मोबाईल व बँकेचे खाते लिंक असल्याने त्याचा फायदा घेत अनोळखी इसमाने त्यांच्या खात्यातून तब्बल ८३ हजाराची रोकड लंपास केल्याची घटना घडल्याने त्यांनी तत्काळ पारोळा पोलिसात धाव घेत गुन्हा दाखल केला आहे. पुढील तपास सफौ.बापूराव पाटील हे करीत आहेत.
