जळगाव : प्रतिनिधी
कारला ट्रकने मागून धडक दिल्याने यात भुसावळ येथील अॅड. श्रीराम काशीनाथ भोळे (६६) हे ठार झाले तर तीन जण जखमी झाले. ही घटना हरताळा फाट्यानजीक शुक्रवारी रात्री ११.३० वाजता एका हॉटेलनजीक घडली. अमरावती येथून खाजगी वाहनाने भुसावळकडे येत असताना हरताळा फाट्याजवळ ट्रकला मागाहूनन दिलेल्या धडकेत चालकासह चार जण जखमी झाले होते. यातील ६६ वर्षीय वकील श्रीराम काशिनाथ भोळे यांचा उपचारादरम्यान शनिवारी निधन झाले. अपघाताची घटना १० फेब्रुवारी रोजी रात्री ११:३० वाजता आशीयाई महामार्ग यादवच्या पुढे घडली.
याबाबत माहिती अशी की अमरावती होऊन काम आटपून कार् क्रमांक एमएच- १९-सीझेड- ७२४६ ने भुसावळ कडे येत असताना पुढे चालणारा ट्रक क्रमांक आर.जे. ३९ जी.ए.-३७०५ ला मागाहून कार धडकल्याने धडकल्याने कारचालक डॉ.विद्याधर श्रीराम भोळे तसेच त्यांच्यासोबत बसलेले वडील व वकील श्रीराम काशिनाथ भोळे (६६) डॉ. शोभा काशिनाथ भोळे व डॉक्टर शारदा श्रीराम भोळे सर्व राहणार तापी नगर रोड भुसावळ हे जखमी झाले. त्यांना उपचारार्थ गोदावरी खाजगी रुग्णालयात हलविण्यात आले होते. मात्र, ११ रोजी सकाळी अॅड. श्रीराम काशीनाथ भोळे यांचा उपचारादरम्यान त्यांचा मृत्यू झाला तर अन्य तिघांची स्थिती स्थिर आहे. याप्रकरणी ट्रक चालक नाथाराम नागाराम चौधरी जाट (५०)) रा. जानीयाना जिल्हा बाडमेर (राजस्थान) याच्या फिर्यादीवरून मुक्ताईनगर पोलीस ठाण्यात गुन्हा नोंद करण्यात आला आहे. श्रीराम भोळे यांच्यावर शोकाकुल वातावरणात भुसावळ येथे अंत्यसंस्कार करण्यात आले.
