जामनेर : प्रतिनिधी
शुल्लक कारणाने पित्याने आपल्या मुला मारहाण केली असून यामध्ये मुलगा जखमी झाला आहे. मुलाच्या आईने आपल्या पतीविरुद्ध याबाबत तक्रार दाखल केली आहे.
मिळालेली माहिती अशी कि, जामनेर तालुक्य्यातील माळपिंप्री येथील वास्तव्यास असलेल्या एका वडिलांना नियमित दारू पिण्याची सवय असून विनाकारण गावातील कार्यक्रमात दारू पिऊन नाचतात. यामुळे बदनामी होते, असे मुलाने वडिलांना सांगितल्याने रागावलेल्या वडिलांनी झोपेत असलेल्या मुलाच्या डोक्यावर लाकडाने मारहाण केल्याची घटना घडली.
याबाबत जखमी मुलाच्या आईने पोलिसात तक्रार दिली आहे. मुलाला मारहाण करून जखमी केल्यानंतर संशयिताने पत्नीलादेखील जिवे मारण्याची धमकी दिली. अधिक तपास सपोनि.दिलीप राठोड करीत आहे. तर या प्रकरणी संशयित आरोपीस ताब्यात घेण्यात आले आहे.
