एरंडोल : प्रतिनिधी
तालुक्यातील उत्राण येथील तरुण छायाचित्रकार कृष्णा दामू भोई (३२) हा व्यवसायानिमित्त तो मित्रांसोबत नाशिक येथे गेला होता. तेथील काम आटोपून तो कारने उत्राणकडे येत असतांना त्याच्या चारचाकीची एका नाल्यात जावून कोसळली. यात तो ठार झाल्याने एकच खळबळ उडाली होती.
मालेगाव साकूर फाट्याजवळ झालेल्या अपघातात उत्राण येथील तरुण छायाचित्रकार ठार झाला. मृत तरुणाचे नाव कृष्णा दामू भोई (३२) असे आहे. व्यवसायानिमित्त तो मित्रांसोबत नाशिक येथे गेला होता. तेथील काम आटोपून तो कारने उत्राणकडे येत होता रात्रीच्या सुमारास साकूर फाट्याजवळ कार अचानक नाल्यात जाऊन कोसळली. यात कृष्णा हा जखमी झाला. त्याला मालेगाव येथे दवाखान्यात नेत असताना त्याचा मृत्यू झाला. त्याच्या मित्रांना चाळीसगावी उपचारासाठी दवाखान्यात हलविण्यात आले आहे. कृष्णा हा एकुलता एक मुलगा होता. घरातील कर्ताच गेल्याने त्याच्या परिवारावर दुःखाचा डोंगर कोसळला आहे. त्याच्या पश्चात आजी, आजोबा, आई, वडील, दोन बहिणी, पत्नी व दोन वर्षाची मुलगी असा परिवार आहे.
