जळगाव : प्रतिनिधी
सुरेशदादा जैन यांनी राजकारणात अनेकांना मार्गदर्शन केले असून मी देखील त्याचे बोट पकडून राजकारणात आलो. त्यांनी राजकारणात पुन्हा यावे की नाही हा त्यांचा व्यक्तीगत विषय आहे. परंतु, त्यांनी राजकारणात यावे; अशी प्रतिक्रीया पालकमंत्री गुलाबराव पाटील यांनी दिली.
घरकुल घोटाळा प्रकरणात माजी मंत्री सुरेशदादा जैन यांना न्यायालयाने अंतिरित नियमित जामीन मिळाला. यानंतर तब्बल तीन वर्षानंतर बुधवारी रात्री त्यांचे जळगावात आगमन झाले. आज सकाळी पालकमंत्री गुलाबराव पाटील यांनी सुरेशदादा जैन यांच्या निवासस्थानी भेट घेतली. त्यावेळी ते माध्यमांशी बोलत होते.
आमच्याकडे ही लक्ष द्यावे
सुरेशदादा बऱ्याच दिवसानंतर त्यांचे जळगाव शहरात आगमन झाले आहे. राजकरणानंतर त्यांनी आता कुटुंबियांकडे लक्ष देणार आहे. असे असतांना त्यांनी आमच्याकडेही लक्ष द्यावं, अशी प्रतिक्रिया पालकमंत्री ना. गुलाबराव पाटील यांनी माध्यमांशी बोलताना दिली.
सकाळ पासून भेटीसाठी गर्दी
सुरेशदादा यांच्या भेटी साठी सकाळ पासून अनेकांनी गर्दी त्याच्या निवासस्थानी केली होती.महापालिकेचे नगरसेवक यांनी ही भेट घेतली.
