जळगाव : प्रतिनिधी
तालुक्यातील सुजदे येथे घराच्या बाहेरील पत्र्याच्या शेडमध्ये विद्युत प्रवाह उतरल्याने त्या ठिकाणी खेळत असलेल्या सहा वर्षाच्या चिमुकल्याचा शॉक लागून मृत्यू झाल्याची घटना मंगळवार, दि. २ डिसेंबर रोजी दुपारी ४:३० वाजता घडली. याची जळगाव तालुका पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, प्रेम नरेंद्र सोनवणे असे मयत झालेल्या चिमुकल्याचे नाव आहे. तो दुपारी घराच्या बाहेर असलेल्या पत्र्याचा शेडमध्ये खेळत होता. त्यावेळी मुख्य विद्युत प्रवाह असलेली वायर तुटल्यामुळे पत्र्याच्या शेडमध्ये विद्युत प्रवाह उतरल्याने त्याला शॉक लागून गंभीर जखमी झाला. शासकीय रुग्णालयात डॉक्टरांनी मयत घोषीत केले. प्रेमचे वडील नरेंद्र सोनवणे हे शेती करता, तर आई दीपाली सोनवणे या गृहिणी आहेत.
