जळगाव : प्रतिनिधी
घरात सर्व जण झोपलेले असताना प्रीती कमलाकर जाधव (२२, रा. म्हसावद, ता. जळगाव) या तरुणीने गळफास घेऊन आत्महत्या केली. ही घटना शुक्रवारी (२४ ऑक्टोबर) पहाटे पाच वाजता तालुक्यातील म्हसावद येथे उघडकीस आली. आत्महत्येचे कारण समोर आले नाही. याप्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.
मिळालेल्या माहितीनुसार, तालुक्यातील म्हसावद येथे प्रीती जाधव ही तरुणी कुटुंबियांसह राहत होती. गुरुवारी मध्यरात्री सर्वजण झोपलेले असताना तिने राहत्या घरात गळफास घेतला. शुक्रवारी पहाटे पाच वाजता हा प्रकार समोर आला. त्या वेळी तिला शासकीय रुग्णालयात दाखल केले असता डॉक्टरांनी मयत घोषित केले.
