जळगाव : प्रतिनिधी
मुलाकडून जेवणाचा डबा घेऊन जात असताना भरधाव दुचाकीने धडक दिल्यामुळे पेमा सुडिया बारेला (६८, रा. कठोरा, ता. जळगाव) हे ठार झाले. हा अपघात शनिवारी रात्री जळगाव ते भोकर रस्त्यावर झाला. या प्रकरणी तालुका पोलिसात दुचाकीस्वाराविरुद्ध गुन्हा दाखल झाला आहे.
सविस्तर वृत्त असे कि, मूळचे इंद्रापूर, जि. बडवाणी (मध्यप्रदेश) येथील रहिवासी असलेले पेमा बारेला हे सध्या तालुक्यातील कठोरा येथे राहत होते. त्यांच्या घरापासून काही अंतरावर राहत असलेल्या मुलाकडून जेवणाचा डबा घेऊन पायीच घरी जात होते. त्यावेळी त्यांना भरधाव दुचाकीने (क्र. जी. जे. ०५, जीपी ९१२६) जोरदार धडक दिली. अपघातानंतर बारेला यांना रुग्णालयात दाखल केले असता वैद्यकीय अधिकाऱ्यांनी मृत घोषित केले. याप्रकरणी तालुका पोलिस ठाण्यात दुचाकीस्वाराविरुद्ध भारतीय न्याय संहिता (बीएनएस) कलम १०६(१), २८१, १२५ (ए), १२५ (बी) प्रमाणे गुन्हा दाखल झाला आहे. पुढील तपास पोहेकॉ किरण आगोने करीत आहेत.
