अमळनेर प्रतिनिधी |अमळनेर तालुक्यातील गांधलीपुरा येथे २३ वर्षीय महिलेचा उष्माघाताने मृत्यू झाल्याची घटना घडली आहे. याप्रकरणी अमळनेर पोलीस ठाण्यात आकस्मात मृत्यूची नोंद करण्यात आले. श्रद्धा गौरव वाघ वय-२३, रा. गांधीपुरा, ता. अमळनेर असे मयत झालेल्या महिलेचे नाव आहे.
या संदर्भात मिळालेली माहिती अशी की, अमळनेर तालुक्यातील गांधलीपुरा येथे श्रद्धा वाघ या महिला आपल्या परिवारासह वास्तव्याला होत्या. दरम्यान ३१ मे रोजी सकाळी त्यांची प्रकृती बिघडली. त्यांना तातडीने अमळनेर ग्रामीण रुग्णालयात उपचारासाठी दाखल करण्यात आले. त्यांच्यावर उपचार सुरू असताना त्यांचा दुपारी १ वाजता मृत्यू झाला. दरम्यान वैद्यकीय अधिकारी यांनी तपासणी अंती उष्माघाताने मृत्यू झाल्याचे सांगितले. या प्रकरणी दुपारी ३ वाजता अमळनेर पोलीस ठाण्यात अकस्मात मृत्यूची नोंद करण्यात आली आहे. या घटनेचा पुढील तपास पोहेकॉ अलोक साबळे हे करीत आहे.
