जळगाव : प्रतिनिधी
शहरातील गांधी मार्केट जवळ एका तरूणाला चाकूने वार करून ४ हजार रूपये किंमतीची चांदीची चैन चोरून नेली. ही घटना रविवारी दि. १४ एप्रिल रोजी रात्री साडेअकरा वाजता घडली. याप्रकरणी मंगळवार दि. १६ एप्रिल रोजी मध्यरात्री शहर पोलीस ठाण्यात तीन जणांविरोधात गुन्हा दाखल करण्यात आला आहे.
मिळालेल्या माहितीनुसार, शोएब तस्लीम खान (वय २६ रा. पिंप्राळा हुडको) हा तरूण आपल्या परिवारासह वास्तव्यास असून तो बांधकामचे काम करून उदरनिर्वाह करतो. रविवार दि. १४ एप्रिल रोजी रात्री साडेअकरा वाजता तो कामाच्या निमित्ताने जळगाव शहरातील महात्मा गांधी मार्केट येथे असलेला होता. त्यावेळी त्याला दोध्या उर्फ उमेश धोबी, भुषण (पुर्ण नाव माहित नाही) आणि एक अनोळखी असे एकुण तीन जणांना रस्ता आडवून चॉपरने पोटावर वार करून गंभीर जखमी करत त्यांच्या जवळून ४ हजार रूपये किंमतीची चांदीचे चैन जबरीने हिसकावून नेल्याची घटना घडली आहे. याप्रकरणी १६ एप्रिल रोजी शहर पोलीसात गुन्हा दाखल झाला आहे. तपास सपोनि रविंद्र बागुल हे करीत आहे.
