भुसावळ : प्रतिनिधी
तालुक्यातील बोहर्डी गावानजीकच्या उड्डाणपुलाजवळ भरधाव वेगाने येणाऱ्या ट्रकने डंपरला जबर धडक दिल्याची घटना १९ नोव्हेंबर मध्यरात्री दीड वाजेच्या सुमारास घडली आहे. यात दोन जण जखमी झाल असून याप्रकरणी वरणगाव पोलीस ठाण्यात ट्रक चालकाविरोधात गुन्हा दाखल केला आहे.
मिळालेल्या माहितीनुसार, धरणगाव तालुक्यातील दोनगाव येथील साहेबराव पुना कोळी हे आपल्या परिवारासह वास्तव्याला असून ते डंपरचालक आहेत. १९ नाव्हेंबर रोजी रात्री दीड वाजेच्या सुमारास साहेबराव कोळी हे डंपर (एमएच- १५, एव्ही ४९४८) घेवून मुक्ताईनगर ते भुसावळ दरम्यानच्या बोहर्डी जवळील राष्ट्रीय महामार्गावरून जात होते. या वेळी समोरून येणारा ट्रक (आरजे ११, जीसी १३२३) ने डंपरला जबर धडक दिली. या धडकेत डपरवरील चालक साहेबराव कोळी आणि क्लिनर कैलास धुडकू भाई हे दोघे गंभीर जखमी झाले आहेत. दरम्यान, ट्रकचालक हा ट्रक जागेवर सोडून पसार झाला. चालक साहेबराव कोळी यांच्या फिर्यादीवरून अज्ञात चालकाविरोधात वरणगाव पोलीसात गुन्हा दाखल करण्यात आला आहे.
