भुसावळ : प्रतिनिधी
भुसावळ तालुक्यातील फेकरी टाक्यानजीक 25 ऑक्टोबर रोजी सकाळी साडेसात वाजेच्या सुमारास एक भरधाव ट्रक व कंटेनरची समोरा-समोर धडक झाल्याने भीषण अपघात झाला या अपघातात ट्रक चालकाचा जागीच ठार झाला तर कंटेनरमधील दोघे गंभीर जखमी झाले.
मिळालेल्या माहितीनुसार, भुसावळ शहराकडे येत असलेला भरधाव ट्रक (जी.जे.12 बी.एच.5252) व भुसावळकडून नागपूरकडे निघालेला कंटेनर (डब्ल्यू.बी. 11 ई.5686) यांच्यात समोरा-समोर धडक झाली. ही धडक इतकी जबर होती की दोन्ही वाहनांच्या समोरून भाग पूर्णपणे चेपला जावून वाहनांचे मोठे नुकसान झाले तर एका वाहनावरील चालकाचा मृत्यू झाला तर दुसर्या वाहनावरील चालकासह क्लीनरल जखमी झाला. स्थानिक नागरीकांनी घटनास्थळी धाव घेवून जखमींना बाहेर काढण्यात मदत केली तर अपघातामुळे रस्त्यावरील दोन्ही बाजूची वाहतूक दोन ते तीन किलोमीटरपर्यंत खोळंबली. भुसावळ तालुक्याचे हवालदार प्रेमचंद सपकाळे, श्यामकुमार मोरे, सादीक शेख, रशीद तडवी, शहर वाहतूक शाखेचे राजेंद्र वाणी आदींनी धाव घेत वाहतूक सुरळीत केली.
