जळगाव शहरातील मुख्य बाजार पेठ असलेल्या बळीराम पेठेतील एका ३४ वर्षीय तरूण दारू पिण्यासाठी पैसे मागण्यावरून सुरू असलेला वाद सोडविण्यासाठी गेलेल्या दिनेश वसंत वाणी या तरुणावर चॉपरने वार करून ठार मारण्याची धमकी दिली. ही घटना २९ जुलै रोजी ओम मंगल कार्यालयाजवळ घडली. याप्रकरणी शनीपेठ पोलिस ठाण्यात एका जणावर गुन्हा दाखल करण्यात आला आहे.
२९ जुलै रोजी रात्री साडेआठ वाजेच्या सुमारास दिनेश वाणी या तरुणाच्या मित्रांमध्ये दारूसाठी पैसे मागण्यावरून वाद हा वाद आला. सोडविण्यासाठी दिनेश वाणी यांनी मध्यस्थी केली. त्यानंतर या रागातून एका मित्राने दिनेश वाणीकडे दारू पिण्यासाठी दोन हजार रुपयांची मागणी करीत शिविगाळ केली. त्यानंतर ठार मारण्याची धमकी देत चॉपरने दिशेनच्या कंबरेवर वार करून जखमी केले. हा प्रकार घडल्यानंतर जखमी दिनेशला तातडीने शासकीय वैद्यकीय महाविद्यालय व रुग्णालयात दाखल केले. याप्रकरणी दिनेश वाणी याने दिलेल्या फिर्यादीवरून रविवार, ३० जुलै रोजी रात्री एका जणाविरुद्ध गुन्हा दाखल करण्यात पोलिस उपनिरीक्षक मुबारक तडवी हे पुढील तपास करीत आहे.
