जळगाव : प्रतिनिधी
शहरातील एका सिनेमा टॉकीज परिसरात असलेल्या दुकानात एक ४२ वर्षीय महिला खरेदी करत असताना तीन संशयित आरोपींनी तिचा विनयभंग केल्याची घटना घडली आहे. याप्रकरणी जळगाव शहर पोलीस ठाण्यात गुन्हा दाखल केला आहे
मिळालेली माहिती अशी की, शहरातील अशोक टॉकीज जवळील एका दुकानात दि १८ रोजी संध्याकाळच्या सुमारास ४२ वर्षीय महिला आपल्या मैत्रिणीसह खरेदी करण्यासाठी गेली असता. झिरो बल खरेदी करीत असताना संशयित आरोपी रईस बागमार याने फिर्यादी महिलेचे एकेरी नाव घेत तिच्या मनास लज्जा उत्पन्न होईल असे कृत्य केल्याप्रकरणी त्याच्यासह संशयित आरोपी नवीन आसिफ बागवान, शिबान रईस बागवान या तीन जणांविरोधात जळगाव शहर पोलीस स्थानकात विनयभंगाचा गुन्हा दाखल करण्यात आला आहे याप्रकरणी पुढील तपास पोलीस उपनिरीक्षक सर्जेराव क्षीरसागर हे करीत आहे
