जळगाव : प्रतिनिधी
शहरातील एका परिसरातील तरुणाला जुन्या वादाच्या कारणावरून व पोलीस स्टेशनला तक्रार दिल्याच्या रागातून तरुणासह आईला चारचाकीची धडक देत जीवे ठार मारण्याचा प्रयत्न केल्याप्रकरणी जळगाव शहर पोलीस स्थानकात दोन संशयीताविरोधात गुन्हा दाखल करण्यात आला आहे.
मिळालेली माहिती अशी कि, शहरातील इंद्रप्रस्थ नगरातील रहिवासी असलेल्या अतुल रविद्र सोनवणे हा तरूण दि १८ रोजी पहाटे ४ वाजेच्या सुमारास संशयित आरोपीची जळगाव शहर पोलीस स्थानकात तक्रार देवून आई सोबत दुचाकीवर घरी जात असतांना शिवाजी नगर उड्डाणपूल उतरत असतांना संशयित आरोपी दीपक दगडू भोई व अरविंद शिंदे या दोघांनी त्याच्यामागून चारचाकी क्र.एम.एच.३०ए.एफ.८७३४ पांढऱ्या रंगाची भरधाव वेगात आणत दुचाकीवर असलेले अतुल सोनवणे व आईस जबर धडक देत जीवे ठार मारण्याचा प्रयत्न केला आहे. या प्रकरणी अतुल सोनवणे यांनी शहर पोलिसात धाव घेत संशयित आरोपी विरुद्ध गुन्हा दाखल केला आहे. पुढील तपास पोउनी दत्तात्रय पोटे हे करीत आहेत. या प्रकरणी संशयित आरोपी दीपक भोई यास पोलिसांनी पहाटे ताब्यात घेतले आहे.
