जळगाव : प्रतिनिधी
जळगावमध्ये बाळासाहेबांच्या शिवसेनेत ठाकरे गटासह मनसे आणि राष्ट्रवादी काँग्रेसच्या कार्यकर्त्यांनी प्रवेश केला आहे. याबाबत शिंदे गटाचे आमदार गुलाबराव पाटील यांनी आता बाळासाहेबांची शिवसेना जळगावमध्ये नंबर वन करणार असल्याचा विश्वास त्यांनी व्यक्त केला आहे. त्यामुळे ठाकरे आणि शिंदे गट पुन्हा आमने सामने येणार असल्याचे चित्र दिसून येत आहे.
दोन दिवसापूर्वी भाजपाचे बंडखोर दोन नगरसेवक नगरसेवक व नगरसेविका पुत्र यांनी बाळासाहेबांची शिवसेना यात प्रवेश केला आहे. तसेच ठाकरे गट, महाराष्ट्र नवनिर्माण सेना आणि राष्ट्रवादी काँग्रेसच्या कार्यकर्त्यांनी बाळासाहेबांच्या शिवसेना पक्षात प्रवेश केला आहे. जळगावमध्ये गुलाबराव पाटील यांच्या उपस्थितीत ठाकरे गटाच्या कार्यकर्त्यांसह मनसे आणि राष्ट्रवादीच्या कार्यकर्त्यांनी प्रवेश झाल्याने पक्षाला बळ मिळाले आहे असा विश्वास गुलाबराव पाटील यांनी व्यक्त केला आहे.
गुलाबराव पाटील यांची ताकद वाढणार
महाराष्ट्र नवनिर्माण सेना, राष्ट्रवादी काँग्रेस आणि ठाकरे गटातील कार्यकर्त्यांनी शिंदे गटात पक्षप्रवेश केला आहे. त्यामुळे जळगावमध्ये गुलाबराव पाटील यांच्या गटालाही त्याचा फायदा होणार आहे. त्यामुळे आगामी निवडणुकांमध्ये ठाकरे गट आणि शिंदे गटात पुन्हा एकदा जोरदार लढत होणार असल्याचे दिसून येत आहे.
