धरणगाव : प्रतिनिधी
शहरातील बस स्थानकाजवळ एका चारचाकीमधून सोन्याच्या बांगड्या लंपास केल्याची घटना उघडकीस आली आहे. या प्रकरणी धरणगाव पोलिसात गुन्हा दाखल करण्यात आला आहे.
मिळालेली माहिती अशी कि, धरणगाव शहरातील बसस्थानक परिसरात दि २० नोव्हेबर २०२२ रोजीच्या सुमारास इम्रान शरीफ खान (वय ३६) हे आपली चारचाकी एम.एच.१५.ईपी.५००२ घेवून उभे असतांना त्याठिकाणी संशयित आरोपी बिलाल मोहम्मद वलीदद्दीन हे येवून चारचाकी गाडीतून कुणाला काही एक न सांगता चोरीच्या उद्देशाने तब्बल ११२ ग्राम सोन्याच्या बांगड्या एकूण ३ लाख ५६ हजार ९०८ रुपये किमतीच्या चोरून नेल्या प्रकरणी धरणगाव पोलिसात संशयित आरोपी विरोधात गुन्हा दाखल केला आहे. या प्रकरणी पुढील तपास पोना. उमेश पाटील हे करीत आहेत.
