अमळनेर : प्रतिनिधी
शहरातील एका परिसरात चोरट्यांनी घरफोडी करीत हजारोंचा ऐवज लंपास केला आहे. याप्रकरणी अमळनेर पोलीस स्थानकात गुन्हा दाखल करण्यात आला आहे.
मिळालेली माहिती अशी की, शहरातील माळीवाडा पिंप्री गल्लीतील रहिवासी असलेले साजिद खान रशीद खान यांच्या घरातून दिनांक ७ जानेवारीच्या मध्यरात्रीच्या सुमारास अनोळखी चोरट्यांनी दहा मोबाईल 52 हजार रुपये किमतीचे लंपास केले आहे. याप्रकरणी अमळनेर पोलीस स्थानकात गुन्हा दाखल करण्यात आला असून पुढील तपास पोहेका.संजय पाटील हे करीत आहे.
