जळगाव : प्रतिनिधी
आकाशवाणी चौकात कारने दुचाकीला दिलेल्या धडकेत दुचाकीस्वार जखमी झाल्याची घटना शनिवारी दुपारी अडीच वाजता घडली. याप्रकरणी कारचालकाविरुद्ध रामानंदनगर पोलिसात गुन्हा दाखल झाला आहे.
मिळालेली माहिती अशी कि, महाबळ परिसरातील सुरेशनगर येथे विनोद मधुकर भावसार (४८) हे दुपारी आकाशवाणी चौकातून महामार्गावरून दुचाकीने जात असताना (एम.एच.१९ बी. एच. ००२३) या क्रमाकांच्या कारने धडक दिली. यात ते जखमी झाले. अपघातानंतर कारचालक पसार झाला. याप्रकरणी विनोद भावसार यांनी दिलेल्या तक्रारीवरून कारचालकाविरुद्ध रामानंदनगर पोलिसात गुन्हा दाखल झाला आहे. पोलिस नाईक चंद्रकांत पाटील हे करीत आहेत.
