जळगाव : प्रतिनिधी
शहरातील खोटे नगर परिसरातील मुख्य महामार्गावर सतत होणाऱ्या अपघातामुळे नेहमीच जनतेचा जीव जात आहे. यावर कुठलाही उपाय योजना होत नसल्याची खंत व्यक्त करीत राष्ट्रवादीचे प्रदेश प्रवक्ते योगेश देसले यांनी दि ६ रोजी अपघात झाल्यानंतर लागलीच अधिकाऱ्याची कानउघाडनी केली आहे.
शहरातून धुळे हायवेलगत असलेले खोटे नगर, द्वारका नगर, आहुजा नगर या परिसरातील मुख्य महामार्ग लगत असलेल्या ठिकाणी सतत अपघात होत काही लोकांचा जीव जात आहे. याबाबत राष्ट्रवादीचे प्रदेश प्रवक्ते योगेश देसले यांची सार्वजनिक बांधकाम व नही NAHI च्या अधिकाऱ्यांशी फोनवरून संपर्क करत जनआंदोलनाचा इशारा देत चांगलीच कानउघडणी केली आहे.
जळगाव धुळे हायवेवर द्वारका नगर जवळ इंजिनिअरिंगच्या दोन विद्यार्थ्यांचा आयशर ट्रकने धडक दिल्याने भीषण अपघात झाला.त्यात एका विद्यार्थ्याचा दुर्दैवी मृत्यू झाला तर एक गंभीर जखमी आहे.यावरून राष्ट्रवादीचे प्रदेश प्रवक्ते योगेश देसले यांनी सार्वजनिक बांधकाम अधिकारी श्री येडई साहेब यांच्याशी संपर्क करून त्या परिसरसतील जनभावना लक्षात घेऊन आहुजा नगर व द्वारका नगर जवळ गतिरोधक टाकण्याची मागणी केली.अन्यथा गतिरोधक टाकले गेले नाहीत तर जनआंदोलन छेडून चक्काजाम करण्यात येईल असा इशाराही यावेळी दिला आहे.
