जळगाव : प्रतिनिधी
राष्ट्रवादी काँग्रेसचे नेते तथा विधानसभेचे विरोधी पक्षनेते अजित दादा पवार यांच्या वक्तव्याचा विपर्यास करून भाजप तर्फे अजितदादांच्या विरोधात आंदोलन करण्यात आले , पण जेव्हा भाजपच्या नेत्यांनी वेळोवेळी छत्रपती शिवाजी महाराज ,डॉ. बाबासाहेब आंबेडकर , महात्मा ज्योतिबा फुले यांच्यासह देशातील महापुरुष , राष्ट्रपुरुष यांच्याविषयी वेळोवेळी बेताल व आक्षेपार्ह वक्तव्य महापुरुषांचा अवमान केला त्यावेळेस भाजपचे नेते कोणत्या बिळात जाऊन लपलेले होते असा सवाल राष्ट्रवादी काँग्रेस पार्टी तर्फे करण्यात आला . भारतीय जनता पार्टीचे नेते सातत्याने महापुरुषांविषयी आक्षेपार्ह वक्तव्य करून गैरसमज पसरवत खोटा व चुकीचा इतिहास मांडण्याचा प्रयत्न करून इतिहासाचे विकृतीकरण करीत आहेत . या सर्व बाबींच्या निषेधार्थ व अजित दादा पवार यांच्या समर्थनार्थ आज राष्ट्रवादी काँग्रेस पार्टी जळगाव जिल्हा व जळगाव महानगर यांच्या वतीने शास्त्री टॉवर चौक येथे भाजपच्या विरोधात व अजित पवार समर्थनार्थ घोषणा देत निदर्शने आंदोलन करण्यात आले.
सदर आंदोलनात राष्ट्रवादी काँग्रेस पार्टीचे जिल्हाध्यक्ष रवींद्र भैय्या पाटील , महानगर अध्यक्ष अशोक लाडवंजारी , नामदेव चौधरी , प्रदेश प्रवक्ते योगेश देसले , महिला महानगर अध्यक्ष मंगलाताई पाटील , संजय पवार , वाल्मीकमामा पाटील ,लीलाधर तायडे , अमोल कोल्हे , पुरुषोत्तम चौधरी , ईश्वर राहणे , अभिलाषा रोकडे , इब्राहीम तडवी , अरविंद मानकरी , मझहर पठाण , रमेशजी बारे , संजय चव्हाण , किरण राजपूत , डॉ रिजवान खाटीक , रहीम तडवी , अशोक सोनवणे , विशाल देशमुख, जितेंद्र चांगरे , रफीक पटेल , योगेश साळी , जयश्री पाटील , सौ वर्षा राजपूत , कलाबाई शिरसाठ , यशवंत पाटील , राहुल टोके , खुशाल चव्हाण , कुंदन नारखेडे , खलिल शेख , मो जुबेर कांजरी , नामदेव पाटील , आदि कार्यकर्ते उपस्थित होते .
