जामनेर : प्रतिनिधी
तालुक्यातील एका गावातील अल्पवयीन मुलीचा विनयभंग करीत सोने-चांदीचे दागिने मागितल्या प्रकरणी एका विरोधात जामनेर पोलीस स्थानकात गुन्हा दाखल करण्यात आला आहे.
मिळालेली माहिती अशी कि, तालुक्यातील एका गावातील सतरा वर्षीय अल्पवयीन अल्पवयीन मुलगी वास्तव्यास आहे. दिनांक 15 डिसेंबर रोजी दुपारच्या सुमारास अल्पवयीन मुलीला संशयित आरोपीने त्याच्या राहत्या घरी बोलवून एकांताचा फायदा घेत तिच्या मनात लज्जा उत्पन्न होईल असे कृत्य करून तिच्या आईचे दागिने मला आणून दे अन्यथा तुझे फोटो व्हायरल करेल तसेच तुझ्या भावास जीवे मारून टाकेल अशी संशयित आरोपी नितेश शंकर राठोड याने धमकी दिली या प्रकरणी २ जानेवारी रोजी जामनेर पोलीस स्थानकात विनयभंगाचा गुन्हा दाखल करण्यात आला आहे. याप्रकरणी संशयित आरोपीला पोलिसांनी ताब्यात घेतले आहे. पुढील तपास पोलीस उपनिरीक्षक संजय पाटील हे करीत आहे.
