लाईव्ह महाराष्ट्र न्युज तालुक्यातील एका गावात भरदिवसा एका दरोडेखोराने वृध्दाचे हातपाय बांधून चाकूचा धाक दाखवत कपाटातून ६ लाखाची रोकड आणि ३० ग्रॅम सोन्याचे दागिन्यांचा मुद्देमाल जबरी लूट केल्याचा धक्कादायक प्रकार आज दि २९ रोजी दुपारी घडला आहे.
मिळालेली माहिती अशी की, तालुक्यातील दुसखेडा येथील रहिवासी ८७ वर्षीय वृद्ध एकनाथ पांडू पाटील गुरुवारी २९ डिसेंबर रोजी दुपारी १.३० सुमारास त्यांचा मुलगा शेतात कामाला असताना तर घरातील महिला गल्लीत एका महिलेकडे पापड बनवण्याचे काम करताना व्यस्त होते. त्यामुळे वृध्द बाबा हे घरात एकटेच पलंगावर झोपलेले होते. दुपारी दीड वाजेच्या सुमारास एक दरोडेखोर त्यांच्या घरात घुसला. त्यावेळी त्याने हाताला मोजे आणि तोंडाला रूमाल बांधलेला होता. पलंगावर झोपलेले असतांना बाबांन उठविले. चाकूचा धाक दाखवून त्यांच्या तोंडाला रूमाल बांधला व मागच्या घरात घेवून गेला. त्यानंतर तिथे बाबांचे हातपाय बांधले व बाजूच्या पलंगावर ढकलून दिले. दरोडेखोराने गोदरेज कपाटातील ५ लाख रुपयांची रोकड आणि ३० ग्रॅम सोन्याचे दागिने असा एकूण अंदाजे ६ लाख ५० हजार रुपये किमतीचा मुद्देमाल पोबारा केला. दुपारी अचानक घडलेल्या घटनेमुळे पाचोरा तालुक्यात खळबळ उडाली आहे. घटनेची माहिती मिळाल्यानंतर पाचोरा पोलीस ठाण्याचे पोलीस कर्मचारी दाखल झाले. यावेळी डॉग स्पॉट देखील दाखल झाले असून पुढील चौकशीला कसून सुरुवात करण्यात आली आहे. याबाबत पोलीसात अद्याप पोलीसांत गुन्हा दाखल करण्यात आलेला नाही.
