अमळनेर : प्रतिनिधी
वर्णेश्वर महादेव मंदिर परिसरात गावठी कट्टा व इतर शस्त्र घेऊन फिरणाऱ्या एकाला अमळनेर पोलिसांनी ताब्यात घेतले. पोलिस निरीक्षक विजय शिंदे, हेड कॉन्स्टेबल सुनील हटकर, किशोर पाटील, पोलिस नाईक दीपक माळी, रवींद्र पाटील, सिद्धांत शिसोदे व शरद पाटील यांचे पथक सायंकाळी सात वाजेच्या सुमारास शहरात पेट्रोलिंग करत होते.
शहरातील पैलाड भागातील चोपडा रोडवरील वर्णेश्वर महादेव मंदिर परिसरात संशयित अविनाश बाळू शिरसाठ (वय २६, रा.वाडी बु.ता.शिरपूर) हा विना परवाना गावठी बनावटीचे सहा बोअर असलेले रिव्हॉल्व्हर, चाकू, फायटर व दोन मोबाईल घेऊन फिरत होता. पोलिसांनी त्याला ताब्यात घेत २७ हजार ८०० रुपयांचा मुद्देमाल जप्त केला.
