जळगाव : प्रतिनिधी
एका परिसरातील बंद घराचे कुलूप तोडून चोरी झाल्याची घटना उघड झाली आहे याप्रकरणी रामानंद पोलीसात गुन्हा दाखल केला आहे.
शहरातील महाबळ नगर परिसरात त्रंबक नगरात रहिवासी असलेले माया राजेंद्र सोनवणे यांच्या घरी दिनांक २० रोजी सकाळी १० वाजे पासून ते २३ च्या मध्यरात्रीपर्यंत अनोळखी चोरट्यांनी घराच्या दरवाज्याचे कुलूप व कडी कोयना तोडून घरात प्रवेश करीत. नऊ हजार रुपये किमतीचे सोन्याचे अंगठी, पाच हजार रुपये किमतीचे सोन्याचे अंगठी, 38 हजार रुपये किमतीचे सोन्याचे पोत व अठरा हजार रुपये रोकड असा एकूण 70 हजार रुपयांचा सोन्या चांदीचे दागिने व रोकड लंपास केली आहे. याप्रकरणी कुंदन दगडू देसले यांच्या फिर्यादीवरून रामानंद नगर पोलिसात अज्ञात चोरट्याने विरोधात गुन्हा दाखल केला आहे. तपास पोहेकॉ. संजय सपकाळे हे करीत आहे.
