धरणगाव : प्रतिनिधी
तालुक्यातील अनोरे परिसरातील एका शेतातून पशुधनाची चोरी झाल्याची घटना उघड झाल्याने धरणगाव पोलिसात चोरट्यांविरोधात गुन्हा दाखल करण्यात आला आहे.
सविस्तर वृत्त असे कि, तालुक्यातील अनोरे येथील गारखेडा येथील रहिवासी असलेले प्रमोद भीमराव पाटील (वय ४०) यांच्या मालकीची शेती अनोरा शिवारात आहे. दि २० रोजीच्या रात्री त्यांच्या शेतातील निंबाच्या झाडाखाली असलेले पशुधन अनोळखी इसमाने चोरून नेल्याची घटना घडली आहे. हे पशुधन ७५ हजार रुपये किमतीचे होते. याबाबत त्यांनी तत्काळ धरणगाव पोलिसात धाव घेत अनोळखी चोरट्या विरोधात गुन्हा दाखल केला आहे. उधील तपास पोना.चंदुलाल सोनवणे हे करीत आहेत.
