अमळनेर : प्रतिनिधी
लोकमान्य विद्यालयाच्या गुजरात येथे सहलीला गेलेल्या खाजगी ट्रॅव्हल्सचा सकाळी चालकाच्या नजर चुकीने विजेच्या खांब्याला धडकल्याने ट्रॅव्हल जागीच पलटी होऊन अपघात झाला त्यात चार ते पाच विद्यार्थी किरकोळ जखमी झाले असून सुदैवाने मोठा विघ्न टळला आहे. हा अपघात झाला नंतर ट्रॅव्हल चालक घटना स्थळावरून फरार झाला आहे.
शहरातील लोकमान्य विद्यालयाची शैक्षणिक सहल गुजरात राज्यात गेली होती तेथील खाजगी ट्रॅव्हल कंपनी ची .विश्वकर्मा टुरिस्ट अँड ट्रॅव्हल्स कंपणीची खाजगी बस क्र. आर जे 09 पी ए 3075 ने पावागड कडे जात असतांना आज सकाळी आठ वाजेच्या सुमारास कुकरमुंडा ह्या गावाजवळ चालकाच्या चुकीमुळे रस्त्याच्या बाजूला असणाऱ्या खांब्याला धडकून ट्रॅव्हल जागेवर पलटी झाली. साधरणताह ट्रॅव्हल मध्ये विद्यार्थी व शिक्षक असे ऐकून 65 जण होते अशी प्राथमिक माहिती असून. त्यापैकी चार विद्यार्थ्यांना किरकोळ मार लागला आहे. तर ट्रॅव्हल चालक घटनास्थळावरून फरार झाला आहे. घटनेची माहिती मिळताच स्थानिक पोलीस स्टेशन मधील कर्मचारी घटनास्थळी दाखल झाले. बस चालकांवर गुन्हा दाखल करण्यात आला आहे.
