जळगाव : प्रतिनिधी
जिल्हा दूध संघाची निवडणूक अत्यंत चुरशीची पाहण्यास मिळाली. राष्ट्रवादीचे नेते एकनाथराव खडसे यांचा दूध संघातील विजयी रथ भाजपचे आमदार मंगेश चव्हाण यांनी थांबविला. या निवडणुकीत सहकार पॅनलचा धुवा उडविला.
जिल्हा दूध संघाची निवडणूक गेल्या महिनाभरापासून चांगलीच चर्चेत होती. या निवडणुकीत भाजप व शिंदे गटांची शेतकरी विकास पॅनल तर महाविकास आघाडीचे सहकार पॅनल अशी सरळ लढत होती. भाजप व शिंदे गटाच्या पॅनलचे नेतृत्व आमदार मंगेश चव्हाण यांच्याकडे होते. तर महाविकास आघाडी पॅनलचे नेतृत्व राष्ट्रवादीचे नेते एकनाथराव खडसे यांच्याकडे होते. निवडणुकीपूर्वी एकमेकांवर आरोपांची मोठी चिखल फेक पाण्यास मिळाली. यात दूध संघातील भ्रष्टाचार, वैयक्तिक, कुटुंबातील मृत सदस्यापर्यंत आरोप हे पाहण्यास मिळाले.
खडसेंना मोठा धक्का….
एकनाथराव खडसे त्यांच्या पत्नी तसेच जिल्हा बँक संघाच्या संचालिका मंदाकिनी खडसे यांच्या मुक्ताईनगर गटातून आमदार मंगेश चव्हाण यांनी मोठ्या मताधिकांनी पराभव केला. त्यामुळे एकनाथराव खडसेंना त्यांच्या घरातीलच उमेदवार विजयी करण्यास अपयश मिळाले.
