जळगाव : प्रतिनिधी
जळगाव जिल्ह्यातील पाचोरा शहरासह परिसरातील गावांमध्ये दहशत माजविणाऱ्या तीन गुन्हेगारांना जिल्हा पोलिस अधीक्षक एम. राजकुमार यांनी एक वर्षाकरिता जिल्ह्यातून हद्दपार केले आहे. याबाबत बुधवारी आदेश काढले आहे.
पाचोरा शहरासह जवळच्या गावांमध्ये दहशत माजविणारे सलमान बल्लू, पिंजारी (वय २३), शाहरूख शेख लाल शेख (२६) आणि शेख फिरोज शेख नाझीर पिंजारी (३०, सर्व रा. कुर्बान नगर, पाचोरा) यांच्या विरोधातील हद्दपारीचा प्रस्ताव जिल्हा पोलिस अधीक्षक एम. राजकुमार यांच्याकडे पाठविण्यात आला होता. पाचोरा शहरात शांतता अबाधित राहावी, या अनुषंगाने जिल्हा पोलिस अधीक्षक एम. राजकुमार यांनी तिघांचा हद्दपारचा प्रस्ताव मंजूर करून तिघांना एक वर्षासाठी जिल्ह्यातून हद्दपार करण्याचे आदेश दिले आहे.
