मुंबई : वृत्तसंस्था
प्राथमिक शिक्षक, टीजीटी, पीजीटी आणि संगीत शिक्षक, प्राचार्य आणि उपमुख्याध्यापक या पदांसाठी केंद्रीय विद्यालय संघटनाने अध्यापन आणि अशैक्षणिक पदांसाठी 13,404 रिक्त जागा जाहीर केल्या आहेत. या विविध पदांसाठी 11 हजार 744 जागा रिक्त आहेत. उर्वरित भरती शिक्षकेतर कर्मचारी वर्गाच्या पदांसाठी आहे. त्यासाठी अधिसूचनाही जारी करण्यात आली आहे. पात्र आणि इच्छुक उमेदवार अधिकृत वेबसाइटला भेट देऊन ऑनलाइन अर्ज करू शकतात.
या भरती प्रक्रियेअंतर्गत सहाय्यक आयुक्त, प्राचार्य, उपप्राचार्य, TGT,PGT,PRT,ग्रंथपाल, सहाय्यक अभियंता, सहाय्यक, हिंदी अनुवादक आणि लघुलेखक या पदांसाठी उमेदवारांची भरती केली जाईल. उमेदवार अधिकृत वेबसाइटद्वारे अर्ज करू शकतात. तुम्ही केंद्रीय विद्यालय संघटना भरती 2022 साठी 5 डिसेंबर 2022 ते 26 डिसेंबर 2022 या कालावधीत ऑनलाइन अर्ज करू शकता. या भरतीसाठी 12वी पास देखील अर्ज करू शकतात.
रिक्त जागांचा तपशील
एकूण : 13404 पदे
शिक्षकांच्या पदांवर रिक्त जागा
एकूण रिक्त जागा – 11744
प्राथमिक शिक्षक – 6414
TGT- 3176
PGT – 1409
प्राथमिक शिक्षक संगीत – 303
उपप्राचार्य – 203
प्राचार्य – 239
शिक्षकेतर कर्मचाऱ्यांच्या जागा
एकूण- 1649
सहाय्यक आयुक्त – 52
स्टेनोग्राफर ग्रेड II – 54
ग्रंथपाल – 355
वित्त अधिकारी – 6
सहाय्यक अभियंता – 2
सहाय्यक विभाग अधिकारी – 156
वरिष्ठ सचिवालय सहाय्यक – 322
कनिष्ठ सचिवालय सहाय्यक-702
अर्ज शुल्क
या भरती प्रक्रियेसाठी, सामान्य, OBC आणि EWS श्रेणीतील उमेदवारांना 1000 रुपये अर्ज शुल्क जमा करावे लागेल. तुम्ही अर्जाची फी ऑनलाइन भरू शकता.
कुठे अर्ज करायचा
इच्छुक आणि पात्र उमेदवार अधिकृत वेबसाइट kvsangathan.nic.in वर जाऊन अर्ज करू शकतील.
