जळगाव : प्रतिनिधी
शहरात गेल्या काही दिवसापासून सुरु असलेल्या चोऱ्याचे सत्र सुरु आहे. याचा शोध पोलीस घेत असतांना रामानंद नगर पोलीस स्थानकात घडलेल्या गुन्ह्यातील एक सराईत गुन्हेगार स्थानिक गुन्हे शाखेच्या पथकाने ताब्यात घेतले आहे.
जळगाव शहरातील होणा-या घरफोडी चोरीच्या घटना वाढल्याने घरफोडी चोरी करणारे आरोपीचा शोध घेण्यासाठी जिल्हा पोलीस अधीक्षक एम.राजकुमार, अपर पोलीस अधीक्षक चंद्रकात गवळी अशांनी केलेले मागदर्शन व सुचना नुसार पोलीस निरीक्षक किसन नजनपाटील यांना मिळालेल्या गोपनीय माहितीनुसार रामानंदनगर पोस्टे सीसीटीएनएस गुरंन ३२९ / २०२२ भा.द.वि कलम ४५४, ४५७,३८० प्रमाणे सदरचा गुन्हा हा अज्ञात आरोपी विरूद्ध दाखल होता.
या गुन्हयात फिर्यादी यांचे राहते घराचे गोडावून चे कडी कोंडा तोडुन सोन्याचे चांदीचे वापरते दागिणे लॅपटॉप, मोबाईलची चोरी झालेली असुन ती चोरी रेकॉर्डवरील गुन्हेगार इस्तीयाक अली राजीक अली रा. तांबापुरा जळगांव याने त्याचे साथीदारासह केली आहे अशी गुप्त बातमीदारा मार्फत बातमी मिळाली. त्यानुसार त्याचा शोध घेवुन योग्य ती कारवाई करा असे कळवील्या वरून पो. अंमलदार विजयसिंग पाटील, सुधाकर अंभोरे, जितेंद्र पाटील, अकरम शेख, महेश महाजन, नितीन बाविस्कर, विजय शामराव पाटील प्रीतम पाटील, अविनाश देवरे सर्व नेमणुक स्था.गु.शा, अशांना आदेश दिल्याने सदर पथकाने तांबापुरा जळगांव भागात जावुन शोध घेता माहीती मिळाली की, तो शामा फायर चौक तांबापुरा येथे उभा असल्याची माहीती मिळाली. त्यावरून सदर पथकाने सापळा रचुन वरील आरोपीतास ताब्यात घेवुन त्यास वर नमुद गुन्हयाबाबत विचारपुस करता त्याने सदरचा गुन्हा त्याचा साथीदार सह केला असल्याचे कबुल केल्याने रेकॉर्डवरील आरोपी नामे १) इस्तीयाक अली राजीक अली वय १९ रा. तांबापुरा जळगांव यांस गुन्हयाकामी ताब्यात घेवुन सखोल विचारपुस करून गुन्हा उघडकीस आणला आहे.
