धरणगाव : प्रतिनिधी
धरणगाव तहसिल कार्यालयात रेशन कार्डसाठी लक्ष्मी नगर परिसरातील रहिवाशी सुनील भालेराव गेले असता त्यांनी तहसीलदार नितीनकुमार देवरे यांची भेट घेऊन रेशनकार्ड मिळण्यासाठी विनंती केली सोबतच एमपीएससी परीक्षेची मी तयारी करत असल्याचे सांगितले. यावेळी तहसीलदार देवरे यांनी स्पर्धा परीक्षा मार्गदर्शन करत तात्काळ पुरवठा विभागात रवींद्र म्हसकर लिपिक यांना सूचना करून रेशन कार्ड बनविण्यासाठी सांगितले. यावेळी केवळ अर्ध्या तासात पुरवठा विभागाने सुनील भालेराव यांना तत्परता दाखवत रेशन कार्ड देऊ केले. या अनुभवामुळे सुनील भालेराव यांनी प्रशासनाचे आभार मानले असून यामुळे स्पर्धा परीक्षा करण्यासाठी प्रेरणा मिळाली असल्याचे कथन केले.
मी धरणगाव येथे रुजू झाल्यापासून शेतकरी,अपंग,महिला व विद्यार्थी यांची कामे तत्परतेने करत आलो आहे,याची सवय आतासर्व कर्मचारी यांना लागली असून प्रशासनाची तत्परता व पारदर्शकपणा चा सुखद अनुभव आता नागरिकांना मिळत आहे.
– नितीनकुमार देवरे(तहसीलदार)
