चोपडा : प्रतिनिधी
चोपडा – धरणगाव रस्त्यावर चारचाकीने दुचाकीला दिलेल्या धडकेत १ ठार झाल्याची घटना घडली आहे. या प्रकरणी चोपडा पोलिसात चारचाकी चालकविरोधात गुन्हा दाखल केला आहे.
सविस्तर वृत असे कि, दि १७ रोजी रात्रीच्या सुमारास जीतेद्र प्रताप पाटील(रा.एकलग्न) हा तरुण दुचाकीने जळगावकडे येत असतांना चोपडाकडून भरधाव वेगात येणाऱ्या चारचाकी क्र.एमएच.१९.डी.व्ही.५२३१ हिने तरुणाच्या दुचाकीस जोरदार धडक दिल्याने तरून गभीर जखमी होत मयत झाला. यावेळी कुठलीही अपघाताची माहिती न देता चारचाकी चालक घटनास्थळाहून फरार होवून गेला या प्रकरणी विशाल लीलाधर पाटील यांनी दिलेल्या फिर्यादीवरून चोपडा पोलीस स्थानकात चारचाकी चालक विरोधात गुन्हा दाखल करण्यात आला आहे. पुढील तपास पोहेकॉ प्रदीप राजपूत हे करीत आहेत.
