भडगाव : प्रतिनिधी
तालुक्यातील एका शेत शिवारातून अल्पवयीन मुलीस पळवून नेल्याची घटना घडली आहे. या प्रकरणी अनोळखी इसमाविरोधात गुन्हा दाखल करण्यात आला आहे.
सविस्तर वृत्त असे कि, तालुक्यातील एका शेतशिवारात १६ वर्षीय अल्पवयीन मुलगी आपल्या परिवारासह वास्तव्यास असून परिवार मजुरी करून आपला उदरनिर्वाह करीत आहे. तर शेतातून अल्पवयीन मुलीला अनोळखी इसमाने त्याच्या फायद्यासाठी पळवून नेल्याची घटना दि १४ रोजी घडली आहे. या प्रकरणी भडगाव पोलिसात गुन्हा दाखल करण्यात आला आहे. पुढील तपास पोउनी गणेश वाघमारे हे करीत आहेत.
