जळगाव : प्रतिनिधी
जिल्ह्यातील दुध संघातील वाद आता वाढत चालला असून या प्रकरणी आ.एकनाथराव खडसे यांनी आज दि १५ रोजी जळगावात पत्रकार परिषद घेतली. यावेळी आ.खडसे म्हणाले कि, जिल्हा दुध संघात सध्या दबावतंत्राचा वापर करण्यात येत असला तरी आम्ही याला घाबरणार नाही आणि भीकही घालणार नाही. अशा शब्दांमध्ये आमदार एकनाथ खडसे यांनी जोरदार टीका केली आहे.
जिल्हा दुध संघाचे एमडी स्वत: तक्रारदार असतांना त्यांना अटक करण्यात आली. तर निवडणुकीत आम्हीच विजय मिळवणार असल्याने हे प्रकार सुरू असल्याचे त्यांनी सांगितले. दुध संघाच्‍या निवडणूकासाठी नियम बदलले गेले आहे. राजकिय दबावाखाली हे नियम बदलले जाताय. सत्‍तेचा दुरूपयोग होत आहे. निवडणूकीत लढायचे असेल तर ताकदीने लढा. दुध संघात गैरव्‍यवहार असेल तर फॅारेन्‍सीक ऑडीट करा, याच्‍याशिवाय मोठे ऑडीट असू शकत नाही.गर्दी असल्याने आव्‍हाडांनी महिलेला बाजूला केले आहे. परंतु, असे गुन्‍हे दाखल होत असतील तर योग्‍य नाही. असे असले तर सर्वच गर्दीच्‍या ठिका गुन्‍हे दाखल होती. जितेंद्र आव्‍हाडांना त्रास द्यायचाय म्हणून सत्‍तेचा दुरूपयोग असून सत्‍तेचा हा माज असल्याचे खडसे म्हणाले.
