अमळनेर : प्रतिनिधी
विवाह हा कोणत्या व्यक्तीच्या आयुष्यातील महत्वाची वेळ असते, त्या आधी होणाऱ्या साखरपुडा हा देखील शुभ मानला जातो परतू अशा आनंदाची वेळेवर अचानक समोर आलेले दुख पाहून कुणालाही मोठा धक्का बसेलच अशीच एक घटना जळगाव जिल्ह्यातील अमळनेर येथे घडली आहे, हि घटना एकून धक्का बसेल.
अमळनेर शहरातील देशमुख नगर भागात २८ वर्षीय तरुण आपल्या कुटुंबीयासोबत वास्तव्यास होता. त्याचा दि १३ रोजी साखरपुडा ठरलेला असून तो आज नेहमी प्रमाणे सकाळी उठून साखरपुद्याची तयारी म्हणून सलूनमध्ये जावून येतो असे सांगून गेला पण घरी आलेला निरोप परिवाराने एकून धक्काच बसला. २८ वर्षीय तरुण तेजस मनोहर मगर याने सलून जावून येतो सांगून गेला पण जानवे शिवारात असणाऱ्या एका विहिरीत उडी घेत आपली जीवनयात्रा संपविल्याची घटना सकाळी १० वाजता घडली. असे वृत्त घरी समजताच कुटुंबावर मोठे संकट कोसळले. तरुणाला ग्रामस्थांच्या मदतीने त्याचा मृतदेह ग्रामीण रुग्णालयात शवविच्छेदन करण्यासाठी आणण्यात आला असून त्याच्यावर दुपारी 2 वाजता अंत्यसंस्कार करण्यात आले. जानवे पोलीस पाटील यांनी अमळनेर पोलिसात दिलेल्या माहितीनुसार अकस्मात मृत्यूची नोंद करण्यात आली असून पुढील तपास पोलीस कॉन्स्टेबल हितेश चिंचोरे करीत आहेत.
