शहरातील सराफ बाजारातील ज्वेलरी शॉप फोडणाऱ्या गुन्हेगारास स्थानिक गुन्हे शाखेच्या तपास पथकाने अवघ्या चोवीस तासांच्या आत जेरबंद केले आहे. पुढील चौकशीसाठी त्याला शनीपेठ पोलिसांच्या स्वाधीन करण्यात आले आहे. या चोरीमध्ये संशयित आरोपी विशाल उर्फ ॲस्टीन युवराज सोनवणे असे अटक करण्यात आलेल्या नाव आहे.
सविस्तर वृत्त असा कि, शहरातील सराफ बाजारातील मनिष ज्वेलर्स या दुकानातून सोने चांदीचे दागिने व रोख रक्कम असा ऐवज चोरी झाला होता. या घटने प्रकरणी शनीपेठ पोलिस स्टेशनला गुन्हा दाखल करण्यात आला होता. जळगाव शहरातील रेकॉर्डवरील गुन्हेगार विशाल उर्फ ॲस्टीन युवराज सोनवणे (रा. पावर हाउसनजीक भिलवाडी जळगाव) याने आपल्या साथीदारांच्या मदतीने हा गुन्हा केला असल्याची गोपनीय माहिती एलसीबीचे पोलिस निरीक्षक किसनराव नजनपाटील यांना समजली होती. त्या माहितीच्या आधारे पोलिस उपनिरीक्षक अमोल देवढे, पोलिस अंमलदार विजयसिंग पाटील, सुधाकर अंभोरे, जितेंद्र पाटील, विजय शामराव पाटील, नितीन बाविस्कर, अक्रम शेख, अशरफ शेख, रवी नरवाडे, संतोष मायकल, महेश महाजन, सुरज पाटील, अविनाश देवरे, जयंत चौधरी, संदीप सावळे, उमेश गोसावी, राहुल बैसाणे आदींच्या पथकाने शोध घेत विशाल सोनवणे यास ताब्यात घेतले. त्याला पो.नि. किसनराव नजनपाटील यांच्यासमक्ष हजर करण्यात आले.
