पुणे : वृत्तसंस्था
पुण्यातील कोंढवा येथील लुल्लानगर चौकातील मार्वल विस्टा बिल्डिंगला (पीएनजी ब्रदर्स) आज सकाळी सव्वा आठच्या सुमारास भीषण आग लागली. इमारतीचा सातवा फ्लोअर पुर्णपणे आगीच्या विळख्यात सापडला.
आगीबाबत माहिती मिळताच अग्निशमन दलाची सहा वाहने घटनास्थळी दाखल झाले. आता आग आटोक्यात आल्याची माहिती आहे. सध्या कुलिंगचे काम सुरू आहे. दरम्यान, या घटनेत कोणीतीही जीवितहानी झाली नाही तसेच कोणीही जखमी झाले नाही, अशी माहिती अग्निशमन विभागाकडून देण्यात आली आहे.
आग लागलेल्या इमारतीत अनेक दुकाने, ऑफिस, आणि सोन्याची दुकाने आहेत. त्यामुळे आग आटोक्यात आणण्यासाठी शर्थीचे प्रयत्न सुरू करण्यात आले आहेत. अग्निशामक दलाचे जवान आगीवर नियंत्रण मिळवण्यासाठी हॉटेलच्या आतमध्ये प्रवेश घेण्यासाठी प्रयत्न करत आहेत. पण आग भीषण असल्यामुळे हॉटेलच्या आतमध्ये प्रवेश करताना अडथळे निर्माण होत आहेत. सिलेंडरचा स्फोट झाल्याने आगीचा भडका उडाला आहे. मिळालेल्या माहितीनुसार आतापर्यंत कोणतीही जीवित हानी झाली नाही.
