अमळनेर : प्रतिनिधी
शहरातील कलागुरु नगरात जबरी घरफोडी झाल्याची घटना घडली असून या घरफोडीत सोने लंपास झाल्याची माहिती समोर आली आहे. याबाबत अमळनेर पोलिसात गुन्हा दाखल करण्यात आला आहे.
सविस्तर वृत्त असे कि, शहरातील कलागुरु नगरातील रहिवासी दीपक श्रीराम पाटील यांच्या घरात दि २५ रोजी रात्रीच्या सुमारास अनोळखीनी घरात घुसून २० ग्राम सोन्याची चैन, लहान मुलाचा चांदीचा करदोडा हातातील कळे यासह १३ हजार रुपयाची रोकड असा एकूण ७३ हजारा रुपयांचा ऐवज लंपास केल्याची घटना दि २६ रोजी सकाळी उघडकीस आली आहे. याबाबत अमळनेर पोलिसात विजय तुकाराम पाटील(४०) यांनी दिलेल्या फिर्यादीवरून अनोळखी विरोधात गुन्हा दाखल करण्यात आला आहे. पुढील तपास पोहेकॉ.चंद्रकांत पाटील हे करीत आहेत.
