अमळनेर : प्रतिनिधी
येथील गलवाडे रोडवर एकास भरधाव दुचाकीस्वाराने धडक दिल्याने एकाचा मृत्यू झाल्याची घटना घडली आहे. या प्रकरणी अमळनेर पोलिसात गुन्हा दाखल करण्यात आला आहे.
सविस्तर वृत्त असे कि, गलवाडे गावाकडून दि २३ रोजी सायंकाळी तीन दुचाकीस्वार भरधाव वेगाने येत होते. यावेळेस मुख्य रस्त्यावर असलेले गंगा अक्वा प्लांट जवळ अब्दुल गुलाब पिंजारी हे उभे असतांना एका दुचाकीस्वाराने त्यांना जोरदार धडक दिल्याने त्यास गभीर दुखापत होवून ते मृत पावले, यावेळेस तो दुचाकीस्वार घ्तानास्थाळाहून पळ काढला आहे. या प्रकरणी अमळनेर पोलिसात फिर्यादी हमीद गुलाब पिंजारी यांनी दिलेल्या फिर्यादीवरून दुचाकीस्वार प्रवीण बडगुजर यांच्यावर गुन्हा दाखल करण्यात आला आहे. पुढील तपास पोहेकॉ.सुनील हटकर हे करीत आहेत.
