जळगाव : प्रतिनिधी
‘लाईव्ह महाराष्ट्र’ न्यूजचा ३ रा वर्धापन जळगावातील रेल्वे स्थानक परिसरातील देव हाईटस येथे दि २२ रोजी मोठ्या जल्लोषात साजरा करण्यात आला, यावेळी राज्याचे पाणी पूरवठा मंत्री गुलाबराव पाटील यांची विशेष उपस्थिती तर प्रमुख पाहुणे म्हणून माजी मंत्री गुलाबराव देवकर हे होते. मान्यवरांच्या हस्ते ‘लाईव्ह महाराष्ट्र’ वर्धापन दिनाचा विशेष अंकाचे प्रकाशन करण्यात आले. यावेळेस एकाच व्यासपीठावर एकाच मतदार संघातील दिग्गज नेते आल्याने फटाकेबाजी तर होणारच.
यावेळी माजी मंत्री गुलाबराव देवकर म्हणाले की, ‘लाईव्ह महाराष्ट्र’ न्यूजची वाटचाल मी स्वतः बघितली आहे, विशेष म्हणजे आम्ही दोन्ही गुलाबराव हे एकमेकाच्या विरोधात होतो पण विजयची पत्रकारिता हि आमच्या विरोधातहि बातम्या आल्या कि आम्ही सावध होवून काम मार्गी लावतो पण विजयचे दोन्ही सोबत नात तेच विश्वासाचे आहे, निपक्षपणाने पत्रकारिता करीत असतांना त्याने कुणालाही दुखविले नाही, तर तळागाळापर्यतच्या बातम्या जनतेपर्यंत पोहचविल्या आहे. त्यांना पुढील काळासाठी शुभेच्या देतोय आणि अभिनदन हि करतोय.
