जळगाव : प्रतिनिधी
शहरातील लक्ष्मी नगर परिसरातील एका २८ वर्षीय तरुणास मारहाण करीत जीवे ठार मारण्याची धमकी दिल्या प्रकरणी चौघांविरोधात जळगाव शहर पोलिसात गुन्हा दाखल करण्यात आला आहे.
सविस्तर वृत्त असे की, शहरातील जुना कानळदा रोड परिसरात असलेल्या लक्ष्मी नगरातील गल्ली न २ मध्ये दि १९ रोजी संध्याकाळी जब्बार खान गफ्फार खान(वय २८) हा तरुण हातमजुरी करून आपल्या परिवाराचा उदरनिर्वाह करतो. त्यास १९ रोजी चौघांनी उसनवारीचे पैसे न दिल्याच्या रागात हातातील फरशीने ओठाला व मानेला मारहाण करीत जीवे ठार मारण्याची धमकी दिल्या प्रकरणी चौघांविरोधात गुन्हा दाखल करण्यात आला आहे. पुढील तपास मपोना स्वप्नाली सोनवणे हे करीत आहेत.
