जळगाव : प्रतिनिधी प्रवीण पाटील तालुक्यातील वावडदा ग्रुप ग्रामपंचायत मार्फत गावातील नागरिकांना अनोखी दिवाळी भेट देण्यात आली. यंदाच्या दिवाळीत ग्रामपंचायतचे सर्व कर भरणाऱ्या नागरिकांना चक्क फराळाचे साहित्य वाटप करण्यात येणार असल्याची माहिती सरपंच राजेश वाडेकर यांनी दिली आहे.
दिवाळीनिमित्त जे नागरिक घरपट्टी व पाणीपट्टीचा कर भरतील त्यांच्यासाठी ग्रामपंचायत कडून दोन किलो तेल, दोन किलो साखर, एक किलो रवा, एक किलो मैदा, एक किलो बेसनपीठ इत्यादी असा रुपये पाचशे चा किराणा मोफत देण्यात येत आहे. या आगळ्या वेगळ्या योजनेचा फायदा असंख्य नागरिक उस्फूर्तपणे त्यांच्याकडील बाकी रक्कम भरुन करीत आहेत. या सुवर्ण संधीचा लाभ दिवाळीच्या दिवसापर्यंतच आहे. योजनेचा लाभ घेतानाचे सन्माननीय नागरिक सोबत ग्रामविकासअधिकारी श्री राजेन्द्र पाटील, सरपंच राजेश वाडेकर सर, महेंद्रबापू जैन, राजेंद्र शिंदे, विलास पाटील, संजय राजपूत मुरलीधर जाधव आदींनी केले आहे.
